மதுரை எப்பொழுது உருவாக்கப்பட்டது

கூடல் (மதுரை) எப்பொழுது உருவாக்கப்பட்டது என்பதை பார்ப்போம். மெளவுரியர் படையெடுப்பை பற்றி, அகம் 69 line 10, 251 line 12, 281 line 8-9, மற்றும் புறம் 175 line 6, ஆகியவை கூறுகிறது. மூன்று மெளரியர்களில், சந்திரகுப்தர் காலம் கி.மு 322 – 298, பிந்துசாரனின் காலம் கி.மு.298 – 273 மற்றும் அசோகரின் காலம் கி.மு 273 – 232 ஆகும். இதில் அசோகர் தமிழ் மன்னர்களோடு நட்புடன் இருந்தார். தன் மகள் சங்கமுகியை, புத்தமதம் பரப்ப அனுப்பி பாண்டியர்களோடு மிக நட்போடு இருந்தார். சந்திரகுப்தர் அரசவையில் தங்கி இருந்த Megasthenes, தனது Indica  புத்தகத்தில் தமிழ் மன்னர்களோடு போர் பற்றி குறிப்பிடவில்லை. அதாவது பிந்துசாரன் காலத்திலயே போர் நடந்து இருக்கும். பிந்து சாரன் காலமாகிய கி.மு 298 - 273 ல் பாண்டியர்கள் பலம் பொருந்தியவர்களாக, மதுரையைத் தலைநகராகக் கொண்டு இருந்தார்கள்.

ஹத்திபுரவில் கலிங்க மன்னன் காரவேல (கி.மு.165) கல்வெட்டு இதை உறுதிப்படுத்துகிறது. அக்கல்வெட்டில் 113 வருட, பாண்டிய, சேர, சோழ மன்னர்களின் கூட்டணியை உடைத்து விட்டதாக அவர் கூறுகிறார். கி.மு 165 லிருந்து 113 வருடம் பின் கி.மு. 278 வருகிறது. அதாவது பிந்துசாரன் காலத்தில் அவன் படையெடுத்தான் என்பதை அகம், புறம் பாடல்களோடு ஒத்து போய், அச்செய்தியை உறுதிப் படுத்துகிறது.

‘சங்க கால மன்னர்களின்’ புத்தகப்படி கூடலை வென்ற நெடுந்தேர் செழியனின் காலம் கி.மு.325 - 300. அப்பொழுதே கூடலை மூதூர் என்று அகம் 113 கூறுகிறது. ஆதலால் மதுரையின் தொடக்க காலம் கி.மு. 500 ஆக இருக்கலாம் என்று நாம் உறுதியாகக் கூறலாம்.